Грчката влада го одби барањето на ММФ да ја продолжи примената на мерките за штедење по 2018 година, што е еден од условите за постигнување на договор за идна кредитна помош.
Портпаролот на грчката влада Димитрис Цанакопулос изјави дека ММФ „наведува лажни податоци“ барајќи од Атина да спроведе опсежни реформи од пензискиот и даночниот систем и ја повика таа организација „да ги подобри своите економски прогнози“.
Таа изјава следеше после тврдењето на официјалните лица од ММФ дека од Грција не се бараат дополнителни мерки за штедење, туку радикални реформи во јавниот сектор.
Грчката владата требаше денес во Атина да ја почне новата рунда преговори за продолжувањето на кредитната помош со ММФ и европските доверители.