Лондон е најскапиот град во Европа за живот, а следат Копенхаген, Стокхолм и Хелсинки, покажува неодамна објавеното истражувањето на Евростат.
Трошоците за живот во европските метрополи биле споредени со оние во Брисел и Луксембурд, кои добиле 100 поени.
Истражувањето покажало дека животот е најскап во Лондон, кој добил 166,9 поени.
Високите трошоци за живот се последица пред се на скапото домување и јавниот превоз. Просечен квадрат животен простор во Лондон чини околу 10.500 евра, пренесува Еуроактив.
На второто место е Копенхаген со 131,8 поени, а следат Стокхолм со 127,9 и Хелсинки со 119,7 поени.