Германската авио-компанија „Lufthansa“ ноемврискиот шестдневен штрајк на пилотите ја чинеше 100 милиони евра, соопштија од компанијата.
Синдикатот на пилотите „Кокпит“ штрајкот го организираше поради застојот во преговорите со управата за зголемувањето на платите, па беа откажани околу 4.500 летови.
Компанијата и синдикатот сеуште не постигнаа договор, па преговорите ќе продолжат наредната недела.
Овие несогласувања трајат со години, а неколку штрајкови на пилотите од 2014 и 2015 година „Lufthansa“ ја чинеа 351 милион евра.
