Трговскиот дефицит на САД во октомври порасна, бидејќи увозот на потрошувачката стока скокна, а извозот на соја и злато опадна.
Американскиот трговски дефицит во октомври е зголемен за 17,8 проценти во однос на септември, на вкупно 42,6 милијарди долари, соопшти американското Министерство за трговија, а пренесува агенцијата АП.
Во септември, трговскиот дефицит изнесувал 36,2 милијарди долари, што беше најнискиот дефицит од декември 2013 година.
Сепак, дефицитот во трговијата со стоки со Кина е намален на 31,1 милијарди долари и за 6,2 проценти е понизок од минатогодишното ниво.
Дефицитот во тргвијата на САД со Европската унија порасна за 29,2 проценти, на 13,1 милијарди долари, додека дефицитот во тровијата со Мексико скокна за 18,1 проценти, на 6,2 милијарди долари.
