Претседателот на Европската комисија Жозе Мануел Баросо изјави дека отпорот кон мерките за штедење во ЕУ се зголемува.
Поддржувачите на политиката која е против штедењето го поздравија поранешниот социјалистички премиер на Португалија, Жозе Мануел Баросо, поради, како што го нарекоа, неговото „будење од кома“ и коментираа дека можеби повторно треба да се размисли за фокусот на европскиот блок кој е насочен кој штедењето, пренесува Франс Прес.
Неговите коментари, сепак, предизвикаа и критики, па така, говорот на Баросо беше оценет како празен, бидејќи тој не понудил никакво алтернативно решение за 340 милиони луѓе во еврозоната, која е погодена од рецесија и невработеност, додека големите економии од тој блок, како што се Франција и Шпанија, бараат дополнително време за намалување на својот дефицит.
Баросо изјави дека, иако смета дека оваа политика е точна, таа ги преминала сите граници во многу аспекти.
„Таквата политика мора да има минимум политичка и социјална поддршка“, изјави тој.