Фабричките нарачки во Германија се зголемуваат во текот на октомври со брзо темпо од над две години, соопштува „Ројтерс“, повикувајќи се на федералната служба за статистика „Destatis“.
Податоците покажуваат дека индустрискиот сектор ќе го поддржи растот во најголемата европска економија во следните месеци.
Индустриските нарачки пораснаа со 4,9% на месечна основа, а таков раст последен пат имаше во јули 2014-та година и е далеку над просечната прогноза на економистите анкетирани од „Ројтерс“. Експертите очекуваа 0,6% зголемување.
Домашната побарувачка расте со 6,3%, а нарачките од странство со 3,9 отсто, иако оние од еврозоната стагнираа.
Податоците за септември се ревидирани нагоре, а падот не е 0,6%, како што беше првичната проценка, туку е 0,3%.
