Еврото падна во однос на другите валути одма по излегувањето на првите анкети кои покажаа дека граѓаните на Италија на референдумот ги отфрлија уставните промени предложени од премиерот Матео Ренци, пренесува Ројтерс.
Ројтерс оценува дека отфрлувањето на уставните реформи ја донесе во прашање политичката иднина на Ренци, и се отвара врата за нова политичка нестабилност во земјата.
Проекциите покажуваат дека разликата во гласовите може да биде и до 20 отсто повеќе во корист на противниците на реформите, а ако се потврди, тоа ќе биде голем удар и за Европската унија, која се бори да надмине повеќе кризи и која сакаше Ренци да продолжи со реформите, констатира Ројтерс.
Дојче Веле претходно изјави дека финансиските пазари покажуваат нервоза пред референдумот, и ако граѓаните заокружат “не”, се стравува дека тоа би можело да биде крај за еврозоната.
