Курсот на еврото на валутниот пазар во Њујорк во четвртокот ноќта по средноевропско време забележал максимален дневен раст по објавата дека францускиот претседател Франсоа Оланд нема да се кандидира за втор мандат.
Францускиот претседател Франсоа Оланд, чијашто популарност е на историски најниските нивоа, претходно во четвртокот вечерта во телевизиски обраќање до нацијата соопшти дека ја сфаќа ситуацијата и донел одлука да не се кандидира на претседателските избори пролетта 2017 година.
Според податоците на Reuters, веднаш по објавата од Елисејската палата, еврото пораснало за 0,60 отсто, на 1,0647 американски долари.
Претходно во текот на тргувањето во четвртокот еврото зајакна за 0,26 отсто во однос на затворањето на претходниот трговски ден, и со него се тргуваше по 1.0615 долари.
Според аналитичарите, тоа може да значи благо подзапирање на силниот раст на курсот на доларот во текот на изминатите два месеца, кој дополнително се интензивираше по изборната победа на Доналд Трамп на 8-ми ноември,
