Зачините и шејкот се два збора кои што вообичаено не одат еден покрај друг, но зачините како куркумата, алевата пиперка и циметот се полни со антиоксиданси и останати состојки кои го чуваат здравјето на вашиот црн дроб, кожата и имунолошкиот систем, односно поволно влијаат на целокупното здравје.
1. Зачинет шејк од мешавина од зелен зеленчук
Овој шејк ја зголемува енергијата, го регулира нивото на pH вредноста и му помага на телото за да се ослободи од токсините благодарение на лимонот и алевата пиперка. За малку да го засладите, додадете мед, кој што има големо антибактериско и антивоспалително дејство.
Потребни состојки:
– 350мл обезмастено млеко
– 150гр мешан зелен зеленчук
– 30гр бобичесто овошје, свежо или замрзнато
– 1 лажица излупен корен од ѓумбир
– 1 лажица мед или стевиа
– 1 лажица мелено ленено семе
– прстофат алева пиперка
– сок од еден лимон
Подготовка:
Ставете ги сите состојки во блендер и миксирајте додека да добиете глатка смеса. Може да ја изоставите алевата пиперка а потоа после миксирањето да ја посипете како декорација.
2. Шејк за чистење на организмот
Коријандерот е одличен за намалување на лошиот холестерол и за отстранување на металите од телото. Во комбинација со зелен зеленчук, куркума и бобичестоовошје ќе добиете шејк богат со влакна кој што е полн со антиоксиданси.
Потребни состојки:
– 350мл обезмастено млеко
– 150гр мешан зелен зеленчук
– 50г бобичесто овошје
– 70гр коријандер
– 30гр куркума
– прстофат цимет
– сок од еден лимон
Подготовка:
Ставете ги сите состојки во блендер и миксирајте додека да добиете глатка смеса. Циметот може да го изоставите и да го додадете на крајот како декорација.
3. Шејк за зајакнување на имунитетот
Изборете се со зимските настинки со помош на овој шејк кој што со силата на алевата пиперка, кељот, магдоносот и ѓумбирот го зголемува имунитетот. Додадете малку мед кој што е посебно добар ако страдатеод кашлица или болки во грлото.
Потребни состојки:
– 350мл обезбасметно млеко
– 100гр кељ
– 50гр магдонос
– ½ црвена пиперка
– 1 лажица корен од ѓубир
– стевиа или 1 лажица мед
Подготовка:
Ставете ги сите состојки во блендер и миксирајте се додека не добиете хомогена смеса.
4. Шејк за прочистување на црниот дроб
Листовите од глуварче и магдоносот се главни ѕвезди во овој кремаст шејк за детоксикација. Познати по тоа дека помагаат за прочистување на црниот дроб, алевата пиперка и ротквицата се тука за малку да ги зачинат нештата.
Потребни состојки:
– 350мл обезмастено млеко
– 100гр спанаќ
– 50гр магдонос
– 3 листови од глуварче
– 1 ротквица
– ½ излупен грејпфрут
– прстофат алева пиперка
Подготовка:
Ставете ги сите состојки во блендер и миксирајте додека да добиете хомогена смеса. Може да ја изоставите алевата пиперка и да ја додадете на крајот како декорација.
