Европскиот совет за системски ризик наведува дека зголемената задолженост на домаќинства би можела да влијае на нивната способност да ги исплаќаат хипотеките. Европскиот регулатор ги предупреди земјите со најголема хипотекарна задолженост.
Регулаторот за финансиска стабилност во Европската Унија ги предупреди осумте земји за ризиците на нивните пазари на станбен имот, вклучително и за зголемените нивоа на хипотекарен долг или брзината на менување на цените на куќите.
Европскиот совет за системски ризик (ESRB) упати предупредување кон Австрија, Белгија, Данска, Финска, Луксембург, Холандија, Шведска и Велика Британија.