МЕПСО потврди дека постоечките далекуводи кои се во функција повеќе од 50 години во охридскиот регион, ќе бидат заменети со нови.
Меѓу позначајните проекти е изградба на нов 400 kV далекувод што ќе ги поврзува електропреносните системи на Македонија и на Албанија и изградба на нова 400/110 kV трансформаторска станица во Охрид.
Овој проект вклучува изградба на неколку нови 110 kV далекуводи кои ќе ги заменат постоечките далекуводи, модернизација на примарната и на секундарната високонапонска опрема низ повеќе трансформаторски станици и автоматизација на нивното управување.
Во рамките на проектот ќе биде искористен и грант од 12 милиони евра на ЕУ. Со 37 милиони евра за 400 киловолтен далновод, ќе се поврзат македонскиот и албанскиот електропреносен систем. Со кредитот ќе бидат изградени 95 километри и 400 киловолтен далекувод од Битола до македонско-албанската граница и нова трансформаторска станица во близина на Охрид. МЕПСО во овој проект ќе учествува и со сопствено учество на средства кои се дел грантот добиен во износ од 12 милиони евра од фондот Инвестициона рамка за Западен Балкан и Европската унија.
