Софтверската компанија Сеавус, во рамките на својата талент програма успешно заврши уште еден тренинг за IT OSE (IT Operations and Support Training) со цел регрутирање на млади, талентирани и амбициозни инженери.
Програмата за IT OSE таленти на Сеавус, која се оддржа во октомври 2016-та година, беше бесплатна и наменета за дипломирани студенти или студенти на последна година на техничките факултети во земјава, како и за сите кои имаат познавања од ИТ индустријата.
Во времетраење од еден месец, избраните кандидати имаа можност да ги усовршат своите вештини за имплементација на Multi-layer Monitoring системите, како функционира администрирањето и одржувањето на MS SQL или Oracle серверите и како се решаваат проблемите кај апликациите, мрежите и системите.
По завршувањето на тренингот, Сеавус вработи четворица IT Operations инженери кои започнаа да работат во дивизијата за Managed Services, која е вброена во листата на топ 100 Managed Services провајдери во светот.
