„Hongqi“ е бренд на кинескиот производител „FAW“ кој е основан во педесетите години од минатиот век се со цел да го снабдува врвот на комунистичката партија со луксузни лимузини.
Името на новиот бренд во превод значи „црвено знаме“ и има карактеристики наменети за буржоазијата, а не за пролетеријатот.
Станува збор за најновата верзија на моделот „CA770“ кој се произведува уште од 1996-та година. Новиот автомобил е наречен „L9“, а сличности со оргиналниот од времето нa Мао Це Тунг скоро и нема.
Во прашање е лимузина која досега беше достапна само за највисокото партиско раководство, а во која за време на прославата на 60 години Народна Република Кина во 2009-та година се возеше и првиот човек на партијата и државата, Ху Џинтао.
„L9“ има пократко меѓуосовинско растојание во однос на претседателскиот модел, додека под неговата хауба се наоѓа ист 6.0 литарски дванаесетцилиндарски мотор со 500 KS и 550 Nm вртежен момент.
„FAW“ не ја соопшти цената, но ако може да се верува на изворите од Кина, цената на основниот модел на кинескиот „Rolls-Royce“ ќе изнесува над 610.000 евра, додека за луксуз каков што имал Ху Џинтао потребено е да се издвојат 1.2 милиони евра.