На Македонската берза за хартии од вредност во понеделникот започна одржувањето на јавните берзански аукции каде се нудат за продажба пакети од обични акции понудени од страната на Агенцијата за управување со одземен имот.
Во деновите 29.11, 30.11, 01.12 и 02.12 ќе продолжат да се нудат за продажба непродадените пакети акции понудени на аукцијата одржана претходниот ден.
Вкупниот промет на пазарот изнесуваше 40,8 милиони денари, а 68 трансакции беа реализирани.
На официјалната страна на МСЕ, Тутунски комбинат АД Прилеп ги објави одлуките од собранието на акционери меѓу кои и одлуката за распределба на добивката која ќе биде наменета за покривање на генерираните загуби на компанијата.
МБИ10 вчера забележа раст на вредноста од 0,46 отсто додека ОМБ остана непроменет.