Бензините поскапуваат за два денари, а нафтата за денар и половина, одлучи Регулаторната комисија за енергетика.
Од полноќ малопродажните цени на ЕУРОСУПЕР БС-95, ЕУРОСУПЕР БС- 98 и на екстра лесното масло за домаќинство се зголемуваат за два денари за литар во однос на цените утврдени на 14.11.2016 година и со тоа цените ќе изнесуваат:
-ЕУРОСУПЕР БС 95 ќе изнесува 62 денари по литар
-ЕУРОСУПЕР БС 98 ќе биде 64 денари по литар
-Екстра лесното масло за домаќинство ќе е 37,5 денари по литар
-ЕУРО ДИЗЕЛ неговата цена ќе е 48,5 денари за литар
Просечната цена на суровата нафта на светскиот пазар во изминатиот 14-то дневен период изнесуваше 45,6 долари за барел и е за 3,51 отсто повисока од просечната цена на суровата нафта 44,073 долари по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период изнесуваше 57,8794 денари за еден долар и е за 4,57 отсто повисок од курсот на доларот 55,35 денари за еден долар по кој беа формирани цените.
