Јужнокорејскиот технолошки концерн „Samsung Electronics“ ќе ја разгледа можноста за поделба на две компании, како што предложи американскиот хеџ фонд „Eliott Management“, пишува „Seoul Economic Daily“, повикувајќи се на анонимни извори.
Поделбата ќе им овозможи на наследниците на основачот на компанијата Ли Кун-Хи да ја зајакнат позицијата лидер на глобалниот пазар на смартфони, клучниот дел од бизнис империјата „Samsung Group“. Од „Eliott“ ја предложија оваа поделба во октомври, пренесува „Ројтерс“.
Одборот на директори на „Samsung“ ќе се состане во вторник и ќе одлучи како да одговори на барањето на „Eliott“, додава весникот.
Одделно „Korea Exchange“ побарала од „Samsung“ да дадат коментар дали ја планираат поделбата.
Досега ниту Ли, ниту „Samsung Group“ не ги коментираа плановите за реструктуирање, но напорите за реорганизација на конгломератот се засилија откако Џун Џи-Ли го презеде водството, бидејќи неговиот татко Ли Кун-Хи имаше срцев удар во мај 2014-та година.
„Samsung“ продаде неосновни средства, додека се насочи кон спојување на две од „ќерките“ компании во 2015-та година, консолидирани средства под погледот на Ли и неговите две сестри. Од своја страна наследниците од фамилијата се обидуваат да добијат поголема контрола, додека промените се случуваат така што компанијата ќе остане стабилна.
