Нафтените компании и производители на природен гас што својата дејност ја вршат во Норвешка ќе ги намалат своите инвестиции поради предвидувањата за намалената цена на суровата нафта, пренесуваат светските агенции.
Компаниите очекуваат да инвестираат 147 милијарди норвешки круни, 3,6 отсто помалку од предвидената прогноза за оваа година. Норвешка веќе трета година по ред бележи намалување на инвестициите во овој сектор.
Нафтените компании ги одложуваат своите проекти и отварањето на нови извори во Норвешка поради намалените цени на нафтата, што започнаа во 2014-та година. Околу 40 илјади работни места беа прекинати во нафтената индустрија, а тоа ја принуди норвешката влада да извади дел од својот фонд кој изнесува 860 милијарди долари оваа година поради намалените приходи од производството на петролеум.
