Компанијата Фолксваген се надева дека ќе закрепне од штетата што ја трпи заради скандалот со лажирањето на штетните емисии во издувните гасови кај дизел возилата така што радикално ќе ја промени производната програма воведувајќи повеќе електрични автомобили, со дигитални услуги како што е „поделба на возењето“(ride-sharing) и со повеќе СУВ возила за пазарот во САД.
Херберт Дис, шеф на дивизијата на Фолксваген, го откри планот на компанијата „Трансформ 2025“ на прес конференција во вторник, додавајќи дека „во следните години Фолксваген фундаментално ќе се промени и дека само неколку работи ќе останат исти.
Планот предвидува големо поместување на фокусот кон инвестиции во технологија за електрични автомобили и во софтвер за новите начини за користење на автомобилот.
Само марката Фолксваген очекува до 2025 година да продава милион електрични возила годишно.
Сметајќи ги и другите марки на истата компанија, сеат и шкода, групацијата Фолксваген очекува до тогаш да продава три милиона електрични автомобили.
