Германскиот министер за финансии Волфганг Шојбле ја повика Британија да не го спроведува големото намалување на корпоративниот данок.
Тој наведе дека се додека Британија е членка на Европската унија таа мора да ги почитува прописите на европскиот блок.
На прашањето дали планот на Британија за намалување на корпоративниот данок би можел да предизвика нелојална конкуренција, Шојбле одговара:
„Британија се уште е членка на Европската унија. Значи обврзна е со европското право“, вели Шојбле.
Портпаролката на британската премиерка Тереза Меј изјави денес дека владата во Лондон веќе ги претставила мерките за намалување на корпоративниот данок на 17 проценти до 2020 година.
