Министерот за одбрана на Република Македонија, Зоран Јолевски, во вторник ќе присуствува и ќе се обрати на отворањето на музејската поставка „100 години од Првата светска војна: Италијанската армија на Македонскиот фронт 1916-1918“, во Воениот музеј во Скопје.
На отворањето ќе се обрати и италијанскиот амбасадор во Република Македонија, Карло Ромео, а ќе биде примена и донација на военоисториски и музејски материјали од Амбасадата на Република Италија.