Граѓаните на Општина Илинден предложија над 100 предлог-проекти кои би требало да бидат инкорпорирани во процесот на планирање на Буџетот на Општина Илинден за 2017 година.
Ова е резултат на Буџетскиот форум што во организација на Општина Илинден, се одржа во Домот на култура „Илинден“, каде преку посочување на приоритетните проекти во нивните населени места, граѓаните имаа можност со своето партиципативно учество да придонесат во креирањето на Буџетот.
Најголемиот дел од предложените проекти-32 се од областа на комуналната и патната инфраструктура, по што следуваат проектите од областа на животната средина – 23.