Велопатеките по должината на булеварот Јане Сандански се асфалтират во четврток, а интензивно се работи и на изградба на велосипедските патеки по должината на булеварот Партизански одреди, во делот на Буњаковец и кај Порта Влае.
Рутата 2 од проектот „СКОПЈЕ ВЕЛОГРАД 2017“ е со вкупна должина од 11 километри и ќе ги поврзе општина Аеродром, преку општините Центар и Карпош, до општина Ѓорче Петров. Таа ги опфаќа булеварите Февруарски поход, Видое Смилевски Бато, Јане Сандански и Кузман Јосифовски Питу, Кеј 13 Ноември, плоштадот „Македонија“, булеварот ВМРО и булеварот Партизански одреди до Порта Влае.
