Според анализата на Народната банка на РМ, растот на кредитирањето произлегува од зголемената кредитна активност кај населението, додека кај фирмите има намалување, а според неодамнешната нова ревидирана проекција на НБРМ, годинава ќе заврши со раст од 2,3 проценти.
НБРМ во третиот квартал годинава регистрираше и раст на депозитите на граѓаните и фирмите, а во анализираниот период, вкупните депозити се зголемиле за 2.3 проценти. Штедењето на населението е со раст од 1,8 отсто, а на фирмите за 4,2 проценти. На квартално ниво, регистриран е раст од само 0.2 отсто, за разлика од падот од два проценти во вториот квартал.
