Во чест на Меѓународната недела на образованието, амбасадата на Соединетите Американски Држави во Македонија ќе го организира третиот годишен Саем за колеџи во САД 2016 година.
Саемот ќе се оддржи на 17 ноември, во Националната и универзитетска библиотека „Св. Климент Охридски“ во Скопје, од 16 до 18 часот. Влезот на Саемот е слободен за јавноста и ние ги покануваме студентите и нивните родители да го посетат.
Дваесет претставници од заедницата на Амбасадата, вклучително и заменикот шеф на мисија, Микаела Швеицер – Блум, ќе имаат презентации за повеќе од 30 различни универзитети во САД, што тие ги посетувале, а ќе бидат на располагање и да одговараат прашања за високото образование во САД.
Советниците на EducationUSA ќе даваат информации за процесот на аплицирање на универзитетите во САД, како и за услугите што студентите можат да ги добијат во центрите на EducationUSA во Македонија. Освен тоа, советникот за образование од Амбасадата на САД ќе биде таму да одговара на прашања за можностите за добивање стипендии од Владата на САД и за програмите на образовна размена.
