Владата на Велика Британија нема сеопфатен план за излегувањето на земјата од Европската унија (ЕУ) и можно е стратегијата околу ова да не биде договорена ни во следните шест месеци, се наведува во документ од кабинетот на британската премиерка Тереза Меј, а во кој увид имале и ВВС.
Во документот се наведува дека кабинетот на Меј работи на 500 проекти кои се поврзани со Brexit и би можел да вработи уште 30 илјади службеници. Заедничката стратегија за напуштањето на ЕУ, како што стои во документот, се уште не е направена поради поделбите внатре во кабинетот.
Владата на Велика Британија соопштила дека „не ги препознала“ тврдењата од документот, а британскиот министер за транспорт Крис Грејлинг изјавил дека нема идеја од каде се појавил тој документ. Премиерката Меј се надева дека ќе кон крајот на март 2017-та година ќе го активира членот 50, кој го означува почетокот на формалното двегодишно повлекување на Британија од Унијата.
