Природните катастрофи туркааат во сиромаштија најмалку 26 милиони лица годишно и ја намалуваат глобалната потрошувачка на стока и услуги за 500 милијарди долари.
„Сериозните климатски промени се закануваат да го загрозат деценискиот напредок кој е остварен во борбата против сиромаштијата. Создавањето на отпорност кон катастрофите не само што има економска смисла, туку и морален императив“, се наведува во соопштението на претседателот на Светска банка Џим Јонг Ким, пренесува агенцијата Ројтерс.
Сиромашните луѓе, според зборовите на авторот на овој извештај, Стефан Холгејт, потешко се погодени од природните катастрофи бидејќи обично живеат во подрачја кои се изложени на такви неприлики.
„Фаќањето во костец со климатските промени и природните катастрофи е важна компонента во мерките за намалување на сиромаштијата“, изјави Холгејт.
