Извршниот одбор на Меѓународниот монетарен фонд одобри за Египет тригодишен заем од вкупно 12 милијарди долари.
Заемот е наменет за оживување на економијата на таа земја, соопштија од таа финансиска институција.
ММФ наведе дека целта на програмата за помош на Египет, меѓу останатото е и да ја „обнови“ макроекономската стабилност, додавајќи дека таа земја ќе ја добие првата рата во износ од 2,75 милијарди долари.
Одлуката на ММФ доаѓа откако Египет презема низа мерки со цел заемот да биде одобрен, меѓу кои е и зголемувањето на цената на горивата, што наиде на пофалби од меѓународната деловна заедница, но и на незадоволството на населението кое веќе е соочено со „затегнување на ременот“, наведува агенцијата АП.
