Министерката без портфељ на Косово задолжена за дијалог со Белград Едита Тахири, објави дека, по постигнувањето на договор со Србија за телекомуникациите, Меѓународната телефонска унија на 15 декември ќе му го додели повикувачкиот број 383. Пренесува „Епока еРе“.
„Косово ќе има свој телефонски повикувачки број како и другите држави и ќе има целосен суверенитет, додека останатите повикувачки броеви користени до сега, како 381, 377, 386 ќе престанат да се користат“, појасни Тахири.
Таа истакна дека договорот бил постигнат со максимален ангажман на Европската унија(ЕУ).