Во текот на четвртокот на Македонската берза беше остварен вкупен промет од 20.299.116,87 денари и беше реалзиран преку 68 трансакции и истргувани 20.783 акции.
Индексот МБИ10 ја намали својата вредност за 0,17 отсто и достигна 2.101,76 индексни поени, додека ОМБ и натаму е непроменет.
Повторно акцијата на Комерцијална банка беше на врвот, со промет од околу 13,3 милиони денари и учество од фантастични 65,59 отсто во вкупниот промет. Се истргуваа 4.788 лотови по просечна цена од 2.780,76 денарии преку 14 трансакции.
Листата на „милионери” ја надополнија и акциите на Макпетрол АД Скопје со промет од 1,876 милиони денари, Охридска банка АД Скопје со промет од 1,470 милиони денари и Стопанска банка Скопје со промет од 1,037 милиони денари.
Акцијата на Охридска банка АД Скопје со најголем пад на вредноста од 2,71 отсто, а зад неа Стопанска банка Битола со пад од 2,34 проценти.
Со обврзниците за денационализација РМДЕН15 беа реализирани две трансакции во вкупна вредност од 646.473,87 денари.
