Европската комисија ја зголеми проценката за економскиот раст на еврозоната за тековната година, но ја намали проекцијата за наредната година.
Економскиот раст на еврозоната, според проценките на Комисијата, оваа година ќе достигне 1,7 проценти, за во наредната година да забави на 1,6 проценти, пренесува агенцијата Франс прес.
Како причина за намалување на проекцијата за 2017 година, Комисијата ги наведе новите предизвици со кои е соочена економијата на еврозоната, како што е Брегзит и зголемената волатилност.
ЕУ, исто така, неодамна ја преполови и проекцијата за раст на БДП на Велика Британија за 2017 година, на 1,0 проценти во однос на 1,9 проценти прогнозирани за оваа година.