Европската унија (ЕУ) создава фонд за ризичен капитал во износ од 400 милиони eвра, наменет за поддршка на регионални стартап компании, како и кон справување со проблемот со недостигот на капитал во Европа, соопштува „Ројтерс“.
ЕУ ќе обезбеди 25 отсто од капиталот и поканува приватни инвеститори да го обезбедат останатото финансирање. Така практично Фондот може да се прошири и до 1,6 милијарди евра, смета Карлос Моедаш, еврокомесар за истражување, науката и иновациите.
Моедаш ја објави веста за формирањето на Фондот за време на најголемиот европски технолошки настан – „Web Summit“ во Лисабон.
„Во Европа имаме проблем – компаниите се создаваат и потоа се купуваат од фондови за ризичен капитал од други делови на светот“, коментира тој. Според него, идејата е да се создаде фонд, кој ќе им овозможи на „boot“-компаниите да бидат создадени во Европа и потоа да останат во Европа.
Според него нема недостаток на нови бизниси, создадени во Европа, но проблемот лежи во нивното зголемување и нивниот финански раст по почетната фаза.
Европската комисија ги поканува менаџерите на фондовите да поднесат апликации со краен рок на поднесување до 31-ви јануари.
Европските фондови за ризичен капитал привлекоа рекордни средства во првата половина на 2016-та година. Инвеститори вложија 6,6 милијарди евра во 34 фондови со ризичен капитал, што претставува раст од 63% на годишна основа. Ова е највисоката сума за шестмесечен период, посочува „Pitchbook“, компанија за податоци и студии, која ги следи пазарите за вложување и приватен капитал.
Иако растот на собраните средства сепак инвеститорите очигледно вложуваат пари се повеќе внимателно. Вкупниот капитал инвестирани во европски стартапи, се распадна со 27% на годишно ниво до 5,42 милијарди евра во првата половина на 2016-та година во 1.279 трансакции – најмалиот волумен изразен во евра, од втората половина на 2011-та година.