Приходите на рускиот гигант Газпром од извозот на гас од јануари до септември тековната година паднале за 3 проценти на годишно ниво, на 21,5 милијари долари.
Во приодот јануари-септември минатата година, приходите изнесувале 31,3 милијарди долари, соопшти Управата за царина на Руската Федерација, пренесува руската агенција Тасс.
Во девет месеци од 2016 година Газпром го зголеми обемот на извозот за гас за шест проценти, на 139,5 милијарди кубни метри од 131,5 милијарди кубни метри од истиот период минатата година.
Извозот на природниот гас во оние земји кои не се членки на Заедницата на независни држави ЗНД во тој период порасна на 116,3 милијарди кубини метри од 104 милијарди кубни метри од истиот период минатата година, додека извозот во соседните земји изнесувал 23,3 милијарди кубни метри, што е благо пониско во однос на минатогодишните 27,5 милијарди кубни метри.