Германските работодавци бараат да вработат над 961 илјада нови вработени, пишува Die Frankfurter Allgemeine Zeitung.
Според податоците на нирнбершкиот институт за истражување на вработувањето, податоците за третиот квартал на годината покажале раст од девет проценти во споредба со истиот период од претходната година.
Најголема побарувачка има во сферата на градежништвото, каде во последните три месеци се создадени 93 илјади нови работни места. Пред една година, пак, германските работодавци во индустријата имале потреба од 66 илјади нови вработени.