Чувствувате ли понекогаш дека темен облак демне над вас и го блокира сонцето во вашиот живот. Имате тешкотија да се oслободите од негативните чувства? Не се секирајте на сите ни е повремено вака, а помошта да се вратиме на вистинскиот пат е секогаш добродојдена.
Еве неколку знаци дека негативната енергија го блокира вашето секојдневие: Повеќето луѓе ве иритираат или вознемируваат во последно време; Повлечени сте; Ги избегнувате луѓето коишто ги сакате; Чувствате дека другите не ве ценат; Чувствате замор и тага.
Ако барем две од наведените состојби ги забележувате кај себе, ова е сигнал дека во вашиот живот царува негативна енергија. Сепак, не треба да бидете многу загрижени, затоа постојат работи кои можете да ги направите.
Овие три начина ќе ви помогнат веднаш да зпочнете да ја елиминирате негативната енергија од вашиот живот
Уредете го својот животен простор
Дали сте знаеле дека просторот во кој луѓето го поминуваат нејголемиот дел од нивниот ден обично ја одржува внатрешната состојба на умот?
Затоа, кога нашите домови, работни места, автомобили се несредени, валкани и хаотични, тоа често ја претставува нашата емотивна состојба. А колку повеќе време минуваме во таква хаотична средина, толку понегативно се чувствуваме.
Од друга страна, кога се наоѓате во средена просторија, која е чиста, топла, светла, не можете а да не се чувствувате сигурност и задоволно. Токму затоа првиот моќен начин да се ослободите од негативна енергија е да си го средите животниот простор.
Започнете така што ќе се ослободите од хаосот од сметот кој што е расфрлан наоколу, фрлете се што е истрошено и непотребно, односно се што не користите а ви зафаќа простор. Ќе се изненадите кога ке забележите колку ќе ве освежи исфрлањето на непотребни работи. Во домот нека ви влезе свеж воздух и сончева светлина затоа што, таа е исполнета со високоенергетски вибрации што прават луѓето да се чувствуваат среќни и полни со енегија.
Поминувајте го времето со луѓето што ве прават среќни
Исто како и вие, сите луѓе во вашиот живот имаат свои ‘енергетски полиња’ кои можете да ги почувствате кога сте со нив. Ако сакате да се ослободите од негативната енергија, важно да поминувате многу време со позитивни луѓе, а да ги избегнувате оние кои ве влечат надолу.
Ако заради некоја личност се чувствувате лошо, тогаш нејверојатно не вреди да си го трошите времето на неа. Наместо тоа опкружете се со позитивни, весели луѓе кои ќе ве расположат и ќе се чувствате удобно и добро. Дружете се со луѓе кои можете да се смеете забавувате и да делите позитивни искуства.
Научете се да се ослободувате од негативни емоции
Негативна енергија се храни со негативни емоции. Во ред е, и нормално е понекогаш да се чувствате тажно, луто и фрустрирано. Ама, проблемите настануваат кога не правите ништо за да се ослободите од тие негативни емоции, тие почнуваат да скапуваат…. затоа долго време се чувствувате лошо. На пример, ако секогаш имате неубави мисли поврзани со вашата работа, најверојатно ќе се чувствате мизерно секој ден на работа, а тоа нема да им помогне на вашата мотивација, задоволство и односите со колегите. За да го спречите тоа, важно е да ги почувствате своите емоции наместо да се обидете да ги потиснете и да дознате што се случува зошто така се чувствате.
Откако ќе ги прифатите вашите чувства и ќе превземете чекори со чија помош ќе се чувствате подобро, време е да се ослободите од негативните чувства. А кога ќе се вратите на некоја стабилна положба, ќе бидете во можност да започнете позитивни промени во вашиот живот.
Затоа, наместо да дозволите да ве контролираат деструктивни мисли, убедете се дека вие сте господар на својот ум и дека можете да ги контролирате и отфрлате негативните ситуации.
Во оној момент кога ќе почнете да го ослободувате својот живот од негативната енергија и да се соочувате со проблемите на конструктивен начин, ќе се зачудите колку всушност се чувствате весело и слободно! А наскоро ќе почнат да ви се случуваат и убави работи.
