Послаб земјотрес во Скопје и околината

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, во понеделникот, регистрира земјотрес чии епицентар се наоѓа во источниот дел на Скопското епицентрално подрачје.

Земјотрес се случил во 03 часот и 11 минути со Рихтерова локална магнитуда 2.0. Истиот бил почувствуван во Скопје и околината, со интензитет од III-IV степени според Европската макросеизмичка скала.