Хрватска во месец септември имала најголем пад на стапката на невработеност на годишно ниво во ЕУ, се наведува во извештајот на Евростат.
Во Хрватска сезонски прилагодената стапка на невработеност, според методологијата на Меѓународната организација за труд, во септември се спуштила на 12,6 проценти од ревидираните 12,8 проценти во август, пренесуваат хрватските медиуми.
Првичната проценка на Еуростат за август, за стапката на невработеност изнесуваше 12,9 проценти, додека во септември минатата година таа изнесуваше 16,4 проценти.
И покрај тоа, Хрватска и понатаму е меѓу трите земји на ЕУ со највисока стапка на невработеност, меѓу кои прва е Грција со стапка од 23,2 проценти, како и Шпанија со 19,3 проценти.