Последниот трговски ден оваа седмица на берзата МСЕ заврши со вкупен промет од 24,6 милиони денари и вкупно 84 реализирани трансакции.
Дури четири блок трансакции беа реализирани со акцијата на Макпетрол, со што акцијата го зазеде приматот на хартија со највисок остварeн промет. Вкупно 362 лотови беа реализирани преку блок трансакциите додека на редовниот пазар беа истргувани уште 37 лотови. Просечната цена на акцијата во петокот изнесуваше 25.500,16 денари што претставува пад на вредноста на акцијата за 0,09 отсто.
Акцијата на Комерцијална Банка го задржа интересот на инвеститорите преку 3.190 истргувани акции и остварeн промет од 8,9 милиони денари.
Индексот МБИ10 во петокот забележа раст на вредноста од 0,16 отсто, додека ОМБ порасна за 0,28 отсто.
