Баварскиот премиер побара суспензија на преговорите за членство на Турција во ЕУ

Лидерот на германската Христијанско-социјална унија(ЦСУ), сестринска партија на демохристијаните(ЦДУ) на канцеларката Ангела Меркел, изјави дека Европската унија(ЕУ) би требало да извлече заклучоци од нападите врз политичките противници во Турција и најавата на Анкара за враќање на смртната казна и да ги суспендира пристапните преговори на Турција за членство во ЕУ.

„За таква земја не може да има укинување на визниот режим. Најмалку што ЕУ треба да направи е да ги суспендира пристапните преговори“, рече првиот човек на ЦСУ, Хорст Шохофер.

Тој, на партискиот конгрес во Минхен, порача дека Турција не заслужува воспоставување на слободен визен режим и дека Брисел треба да ги суспендира преговорите за членство.