Членките на Европската унија, корупцијата ги чинеше 323 милијарди евра годишно или три пати повеќе отколку што претходно се проценуваше, покажува новиот извештај со кој е нарушен имиџот на Европа, како предводник во борбата за корупција.
Проценетата цена за корупцијата е на ниво од речиси една третина од предложениот буџет на ЕУ за 2014-2020 година, а со истражувањето се поставува прашањето дали членството на ЕУ допринесува за намалување на корупцијата.
Извештајот укажува и на врската меѓу корупцијата и буџетскиот дефицит во ЕУ, особено во Грција и Италија. Стапката на корупција е пресметана така што Данска, која е најмалку корумпирана земја во ЕУ, е земена како референтна точка за проценка на вкупната загуба на Унијата.
„Скандалозно е тоа што бројките се многу повисоки отколку што претходно се мислеше“, изјави член на комисијата за буџет на Европскиот парламент Јенс Гајер. Тој изјави дека новите податоци покажуваат дека корупцијата и измамата се голем проблем на ЕУ.
Како што е наведено во извештајот, еден од најважните последици од корупцијата се економските проблеми кои се поврзани со ниската наплата на даноци и високиот буџетски дефицит.