Француската авиокомпанија Air France соопшти во четврток дека отвора нова нискобуџетна компанија, со цел подобро да им конкурира на пазарот на компаниите од Блискиот исток и другите нискобуџетни ривали.
Новата авиокомпанија сѐ уште нема име, а не е познато на кои релации ќе летаат нејзините авиони.
Во соопштението на матичната компанија се наведува дека новата компанија ќе се фокусира на стратешки важните долги летови, каде што Air France моментално се бори со евтината конкуренција.
