Секторот за преработувачката индустрија во еврозоната го започна последниот овогодишен квартал со најголемиот раст на индексот на набавка за потребите на економијата (ПМИ) за речиси три години.
Компанијата Маркит, која ги објавува финансиските информации, соопшти денес дека индексот ПМИ во еврозната во октомври достигнал 53,5 поени во споредба со септемвриските 52,6 поени.
Кога тој показател е над 50, укажува на експанзија.
Маркит соопшти дека раст е забележан ширум еврозоната, освен во Грција.
Во резултатите на Маркит најмногу охрабрува растот на вработеноста, кој е на највисокото ниво од средината на 2011 година.
Претходно оваа недела објавените податоци покажаа дека во еврозоната во третиот квртал е заблежан економски раст од 0,3 проценти, што не е доволно добро за да придонесе за намалување на стапката на невработеност од 10,1 проценти.