Business Insider беше хакиран во средата наутро.
Напаѓачите се идентификувале себеси како “OurMine”, на кој постираа вести на американската верзија на порталот: “Еј, не грижете се, ние само го тестираме вашето обезбедување, не ви ги сменивме лозинките или нешто друго”, пишуваше во пораката.
“Се извинуваме за непријатностите, работиме на решавање на проблемот и враќање на работите во нормала”, изјавија од Business Insider.
Се верува дека еден од вработените кој имал привилегии за објавување на информации, го користел пасвордот и на други портали.
Хакерите користат лозинки од “data dumps” преземени од претходно хакирани сајтови и ги пробуваат на акаунти на други сајтови.
“OurMine” е особено плодна хакерска група во тоа што го работат, и речиси секогаш тврдат дека само ја тестираат безбедноста на жртвите.
Безбедносните експерти препорачуваат да се користи силна, уникатна лозинка за секој интернет акаунт што го поседувате, и доколку има можност да овозможува дупла проверка.
