Конференција „Денови на енергетска ефикасност на Град Скопје -2016“ ќе се одржи денес во просториите на Град Скопје.
Конференцијата ќе ја отвори Коце Трајановски, градоначалник на Град Скопје, а преку три програмски панела ќе бидат презентирани достигнувањата на Градот Скопје во сферата на енергетската ефикасност, достигнувања на општините во градот Скопје, како и енергетско ефикасните технологии присутни на пазарот.
Во четврток ќе биде организирана обука за ефикасна потрошувачка на енергија за раководните лица од објектите под ингеренција на Град Скопје, додека еден подоцна, во петок, ќе биде отворен ден за граѓаните.
Во петок на плоштадот Македонија ќе биде лоциран инфо-пулт со информативни материјали со акцент на енергетска ефикасност.
