По 25 години на дебати, владата на Велика Британија денеска даде „зелено светло“ за изградба на нова писта на аеродромот „Heathrow“, објави „ВВС“. Проектот е во вредност од 17,6 милијарди фунти (околу 22 милијарди долари).
Во последните години властите на Островот размислуваа дали да се прошири помалиот аеродром „Gatwick“, наместо и без тоа премногу зафатениот „Heathrow“.
Дискусиите продолжија долго поради загриженоста на екологистите и локалните жители кои живеат во близина на аеродромот. Затоа и кабинетот ветува дека ќе воведе во законот обврска за ограничување на бучавата.
Се очекува, сепак проектот да се соочи со незадоволството на локалните жители и одобрението да се забави. Дури потоа ќе се пристапи кон дизајн и конструкција. Затоа се смета дека патеката ќе биде отворена најрано во 2025-та година.
Според тригодишната студија новата писта на аеродромот „Heathrow“ ќе создаде 70.000 нови работни места до 2050-та година и ќе го зголеми бруто домашниот производ (БДП) на земјата со меѓу 0,65 и 0,75 проценти за истиот период. Тоа би било поддршка за економијата од 146 милијарди фунти (180 милијарди долари) за 60 години, пренесува „Ројтерс“.
Со изградбата на трета писта и нов терминал летовите на „Heathrow“ ќе се зголемат до 740.000 годишно во моментов тие се околу 480.000, дополнува „ВВС“. Предвидено е и зголемувањето на капацитетот на постојните терминали 5 и 2.
Ќе се наметне и изградба на дополнителна инфраструктура, па екстензиите да добие соодветни транспортни врски. Ќе се преговара и со авиокомпаниите, па да го зголемат капацитетот на аеродромот, како и да се подобрат врските со регионалните аеродроми во Велика Британија.