Во текот на вторничното на берзата за хартии од вредност најголем удел во прометот имаше акцијата на Комерцијална Банка АД Скопје, односно преку две блок трансакции беше истргувано количество од 4.067 акции по цена од 2.603 денари.
Вкупно беа истргувани 5.020 акции по просечна цена од 2.631,24 денари во вредност од над 13 милиони денари.
Од останатите хартии од вредност, акцијата на Алкалоид АД беше најтргувана со промет од 2,18 милиони денари по просечна цена од 5.430 денари и истргувана количина од 402 акции.
Трговскиот ден беше обележан со тргување со поголема палета на хартии од вредност и заврши со промет од 19.163.190 милиони денари реализирани преку 55 трансакции.
Најголем раст на вредноста, од 10 отсто забележа акцијата на Скопски пазар АД Скопје, а по неа следеа акциите на Макошпед АД со раст од 9,18 проценти, и на Окта АД Скопје со раст од 6,21 отсто.
