Twitter, и покрај интересот на неколку големи компании и натаму чека купувач.
Медиумите неодамна пишуваа дека компаниите како Disney, Google и Salesforce се потенцијални купувачи, но подоцнежните извештаи говореа дека Disney и Google се откажале, а Salesforce остана единствената заинтересирана страна.
Едно време дури и Microsoft се споменуваше како потенцијален купувач, но со падот на интересот на потенцијалните купувачи, акциите на Twitter паднале повеќе од 14 отсто.
Набрзо потоа и Salesforce се откажа од купување, па сега нема заинтересирани што би го купиле Twitter.
Од Twitter порачаа дека наскоро ќе се фокусираат на видео содржини, но и некои краткорочни решенија како што се продажба на средства за кои се смета дека немаат централна улога во нивното работење.
