Кинеската економија во третиот квартал остварила резултати што се подобри од очекуваните, а ризиците во врска со долгот се под контрола, соопшти кинескиот премиер Ли Кечијанг.
Тој рече дека не само што во третиот квартал продолжил растот од првата половина на годината, туку се остварени и бројни позитивни резултати.
Ли наведе дека клучните показатели, како што се фабричкото производство, профитот на компаниите и инвестициите закрепнале во пресрет на објавувањето на официјалните податоци за бруто домашниот производ (БДП) на Кина за третиот квартал, најавено за среда.