Ирска го претстави буџетот за 2017-та година, со кој се предвидува надградба на економското заздравување на земјата со зголемување на трошоците и намалување на даноците во вкупна вредност од 1,3 милијарди евра, пренесоа медиумите.
Се очекува трета година по ред ирската економија да порасне побрзо од која било друга во ЕУ, но тоа е и најниска ранлива кон одлуката на Велика Британија да го напушти блокот што веќе доведе до намалување на прогнозите за растот за 2016-та и 2017-та година.
Министерот за финансии Мајкл Нунан, вели дека очекува раст од 4,2 проценти во оваа година и скромните 3,5 проценти за следната година поради негативното влијание од „Brexit“.
Велика Британија е водечки пазар за Ирска, но слабоста на фунтата ги поскапува ирските производи на британскиот пазар кои се деноминирани во евра.
Буџетот вклучува намалување на данок на доход за нископлатените работници, зголемување за 10 евроценти на минималната надница до 9,25 евра на час, како и планови за создавање на национален „штеден фонд“ од идни економски шокови.
Предвиден е и грант во износ до 20.000 евра за оние кои за прв пат купуваат живеалиште во новоизградена зграда, иако некои започнаа да стравуваат дека тоа ќе ги втурне нагоре цените на недвижностите.
Нунан се ангажира да го намали државниот долг побрзо отколку што бараат правилата на ЕУ. Тој си поставил нова цел од 45 проценти од БДП-то до 2025-та година или подоцна во зависност од економскиот раст.
Меѓу „отпорните на Brexit“ мерки се задржување пониска стапка на ДДВ за туристичкиот сектор поради посетата на британските посетители, најголемиот пазар за Ирска. Земјоделците, зависни од извозот на пазарот во Велика Британија, ќе добиваат кредити со пониски трошоци и други даночни повластувања.
Даночни намалувања ќе има и за самовработените, стои во соопштението.
Министерот за финансии најави даночни намалувања во вкупна вредност од 500 милиони евра, поголемиот дел од кои се постигнати преку намалување на универзална социјална рата со 0,5 отсто. Оваа должност беше воведена во 2010-та година, откако економската криза ја принуди Ирска да побара меѓународна спасувачка помош од ЕУ и Меѓународниот монетарен фонд.
Државната пензија се зголемува со 5 евра неделно.
Проширувањето на социјалната помош ги опфаќа и самовработените, а се предвидуваат пакет мерки кои ќе им помагаат на родителите да се вратат во професионалниот живот.
Се враќа обемот од 85 проценти за исплатата на божиќен бонус за добивање социјална помош, кои пак стануваат за 5 евра неделно повеќе.
