Референдумската одлука за излезот на Велика Британија од единствениот пазар на ЕУ има помало влијание на европската економија од очекуваното, истакна претставникот на Европската централна банка (ЕЦБ) Јанис Стурнарас.
Стурнарас, кој е и гувернер на Банката на Грција, изјави дека последиците од Брегзит имаат најголемо влијание на британската економија.
Според неговите зборови, иако британската одлука за напуштање на ЕУ не е пријатна, а преговорите нема да бидат лесни, „ефектот врз европската економија е помал од очекуваниот“.
„Најголемата цена ќе ја плати британската економија“, оцени претставникот на ЕЦБ.
Велика Британија на референдумот во јуни донесе одлука за излез од ЕУ. Премиерката Тереза Меј назначи дека земјата може дефинитивно да го напушти единствениот пазар на ЕУ.
