Европската унија (ЕУ) преговара со САД за слободна трговија, „но Европа нема да падне на колена пред Американците“, изјавил претседателот на Европската комисија (ЕК), Жан-Клод Јункер, пренесуваат светските агенции.
Набрзо по изјавата на Јункер се јави и германската канцеларка Ангела Меркел, која ја осуди воздржаноста на германските бизнисмени кон договорот со Вашингтон. Пораките на Меркел и Јункер околу преговорите на ЕК со Вашингтон за Договорот за слободна трогвија и гарантирањето на инвестиции (TTIP), се показател за различните мислење во ЕУ околу клучните насоки на политиката и развојот.
Видните разлики по бегалската криза, борбата против тероризмот, преуредувањето на ЕУ по излегувањето на Велика Британија од Унијата и односите со Русија, овојпат демонстрираат што Европа треба, а што не треба да прифати во договорот со САД, коментираат светските медиуми.
